کوئٹہ سٹیشن پر تابوت پہنچا دیے گئے,جنھیں ریلیف ٹرین پر بولان روانہ کیا جائے گا،‘
جعفر ایکسپریس پر قبضہ کرنے والے شدت پسندوں کے خلاف سکیورٹی آپریشن جاری:
کوئٹہ سٹیشن پر تابوت پہنچا دیے گئے
ٹرین پر قبضہ کرنے والے شدت پسندوں کے خلاف سکیورٹی آپریشن جاری، کوئٹہ سٹیشن پر درجنوں تابوت پہنچا دیے گئے
’کوئٹہ انتظامیہ کی جانب سے پلیٹ فارم پر خالی تابوت لائے گئے جنھیں ریلیف ٹرین پر بولان روانہ کیا جائے گا،‘
ریلوے حکام
سرکاری سطح پر جعفر ایکسپریس پر قبضہ کرنے والے بلوچ شدت پسندوں کے خلاف کارروائی کے دوران اب تک ہلاکتوں کی تعداد کی کوئی تصدیق نہیں کی گئی ہے تاہم ریلوے حکام کے مطابق کوئٹہ کے ریلوے سٹیشن سے بدھ کو 200 سے زیادہ تابوت ریلیف ٹرین پر بولان کی جانب روانہ کیے جا رہے ہیں۔
ریلوے کے ایک افسر نے بین الاقوامی زرائع ابلاغ کے نمائندے کو بتایا کہ آج ایک ریلیف ٹرین کوئٹہ سے بولان کی جانب روانہ کی جا رہی ہے جس میں مختلف سامان موجود ہے۔
ایک اور اہلکار نے بین الاقوامی زرائع ابلاغ کے نمائندوں سے بات کرتے ہوئے کہا انتظامیہ کی جانب سے پلیٹ فارم پر اب تک 90 خالی تابوت لائے گئے جنھیں اس ٹرین میں روانہ کیا جائے گا جبکہ ٹرین کی روانگی سے قبل اس پر مزید 130 تابوت بھی رکھے جائیں گے جن کے سٹیشن پہنچنے کا انتظار کیا جا رہا ہے۔
اس موقع پر کوئٹہ ریلوے سٹیشن پر سکیورٹی کے سخت انتظامات کیے گئے ہیں اور ایف سی کے اہلکاروں کی بڑی تعداد پلیٹ فارمز پر موجود ہے۔
ریلوے حکام کا مزید کہنا تھا کہ یہ تابوت ریلوے کی طرف سے نہیں بلکہ کوئٹہ انتظامیہ کی جانب سے آئے ہیں اور وہ اس بارے میں مزید تفصیلات فراہم نہیں کر سکتے۔
اس سلسلے میں جب کوئٹہ انتظامیہ سے رابطہ کیا گیا تو حکام نے کوئی جواب نہیں دیا
By
